Fjala detyrim shokë e shoqe gjyqtarë nuk është liri
Në çfarëdo lloj forme nuk do të thotë se ju mund të përjashtoni një nga format sepse ashtu i do temperatura një aktor-faktori jashtë seance
Kujtoni paraardhësit. Kushtetuesen para “Reformës”
Ca me zor e ca me siklet u detyruan të votojnë lëmshin e quajtur reformë se vendit do i ndriste nuri juridik. Ambasadorë e diplomatë ushtruan presion ekstrem derisa e kthyen votimin në 5 me 3 nga kundra në favor.
Pak muaj më pas, të gjithë u spastruan nga pjella e votës së tyre kompromentuese dhe detyruese. Madje pati prej tyre të ndëshkuar me sekuestrime pronash e dënime, thjesht për të shënuar statistika të ndëshkueshmërisë, në të quajturën sinore të viseve të larta të pushtetit. Sepse Ata duke ditur disa mëkate bëjnë qorr-shurdhin, për të mbaruar ca punë, pastaj kthehen te larjet. Sërish pafuqia dhe kapja çoi në përdhosje duke krijuar precedent butakësh për interesa ndërkombëtarësh.
Kthyer në gjykatë turmash, ku oreksi shkon pas britmave, rënia e Gjykatës është kthimi në supermarket, bankomat. Ndodh në jo pak raste në gjykatën speciale dhe jo vetëm kur para marrjes së vendimeve ata pëshpërisin. Ke të.drejtë por nuk të jap dot të.drejtë. Shkoni në një sallë gjyqi. Në GJKKO apo jo. Nëse në fund të sallës janë “ATA” nga Ambasadat, trupa gjykuese bashkë me Prokurorët akuzues, nuk shohin Kodin Penal e të Procedurës por shohin me përulje nga “ATA” nga fundi i sallës dhe vendosin si e duan ata, e jo siç largqoftë thonë ligji dhe provat. Nëse nuk e dinë mirë vendimin e tyre, bëjnë një ndërprerje seance dhe kthehen me energji diplomatike në një proces juridik. Kjo, kur “ATA”, nuk kanë dërguar më herët haber me të njoftuarit e tyre të posaçëm.
ATA mund të kenë edhe të drejtë, por KËTA nuk mund të presin gjithnjë me kokë nga fundi i sallës. Sepse ATA shpesh se rruajnë për NE..
