Babai i Martinit, vdekja e të cilit tronditi gjithë vendin, tha se nuk është njeri hakmarrës, por gjithnjë i buzëqeshur.
Ai la të nënkuptuar se me këtë frymë ka rritur edhe të birin e tij, i cili tashmë nuk jeton më.
Në një intervistë për Top Story në Top Channel ai tha se nuk e dinte nëse do të mund ta takonte vrasësin e të birit, nisur nga tronditja e madhe që ka përjetuar.
Do mundeshit të takoheshit me djaloshin ( autorin)?
Babai i Martinit: Jam kaq i tronditur sa nuk e përballon dot truri të ketë mendje të kthjellët të përballojë këtë lloj fatkeqësie, nuk jam njeri hakmarrës, jam njeri që buzëqesh, dua që njerëzit të kenë paqe dhe lumturi.
Nëna e Martinit: S’kam asnjë fjalë. Martini thoshte do bëhem futbollist, flisja çdo natë me të, ishte pa asnjë lloj shqetësimi.
