Deputeti i PD-së, Asllan Dogjani është paraqitur sërish në Prokurorinë e Posaçme.
Pak ditë më parë për gazetarët, ai u shpreh se SPAK po heton pasurinë e tij, pas një kallëzimi që është bërë, nga një ndërtues që ai e quajti “zaptues”.
Asllan Dogjani akuzoi biznesmenin e ndërtimit I.Ç se ka zaptuar kopshtin publik dhe e ka legalizuar atë për të ndërtuar një tjetër pallat, duke zhdukur hapësirat e gjelbra.
Më 3 korrik 2024, Dogjani u paraqit në SPAK për herë të parë, ku qëndroi për rreth dy orë e gjysmë. Asokohe Dogjani konfirmoi se marrja e tij në pyetje nga SPAK është bërë rreth problemit të disa qytetarëve në lidhje me zaptimin e hapësirës publike nga pronari i pallatit.
