Vettel: Kimi Raikkonen? Është shoku i përkryer i skuadrës, por është i nënvlerësuar

4 garat e para të këtij sezoni në ‘Formula 1’ kanë treguar një Kimi Raikkonen të përmirësuar, me finlandezin e ‘Ferrarit’ i cili ndodhet i 3 në renditjen e përgjithshme për pilot, me 48 pikë.

Por Raikkonen nuk është vetëm një pilot i mirë, të paktën kështu rrëfen shoku i skuadrës Sebastian Vettel në një intevistë për “Autosport”.

“Mendoj se të gjithë merren me anën sipërfaqësore të personit, duke parë rezultatin e tij, ndërkohë që është diçka krejt tjetër ta shohësh atë më në brendësi”, tha Vettel.

“Deri më tani, Kimi më ka qëndruar shumë pranë dhe pothuajse në çdo garë ka qenë i shpejtë, sidomos ditën e premte, kur testojmë makinat. Në Baku unë kam patur gjithnjë probleme dhe kur shoh forcën e tij në pistë, them gjithnjë se është një pilot i talentuar, i aftë të zgjidhë problemet”, u shpreh më tej Sebastian Vettel. “Duke parë Kimin në gjithë këto vite, imazhi i tij është kuptuar gabim. Rezultati final është i rëndësishëm, por personat që punojnë në këtë sport e dinë shumë mirë se çfarë pune bëhet deri te fitorja. Nuk ka rëndësi nëse njerëzit mendojnë se je i avashtë, por atë që ne bëjmë”, tha Vettel