Ndryshe nga Shqipëria U-19 e cila ka regjistruar 2 humbje radhazi në kualifikueset e Europianit të kësaj grupmoshe, Kosova U-19 ka arritur një rezultat të madh në kualifikueset e Europianit që mbahet vitin e ardhshëm.
“Dardanët” mposhtën 4-3 Spanjën me përmbysje duke treguar karakter në stadiumin “Fadil Vokrri”.
Sfida u duk e lehtë për iberikët që shënuan dy gola radhazi me Prim dhe Markos. Përmbysja e madhe ndodhi fillimisht në pjesën e parë pasi Gerbovci, Gashi dhe autogoli i Himenez i dhanë avantazhin Kosovës.
Në të dytën Spanja barazoi me Janeh. Për golin e fundit mendoi Gashijan, që shënoi në minutën e 93-të.
Kujtojmë se Kosova e kishte humbur takimin e parë me Austrinë 4-0. Tashmë ndodhen në vendin e dytë të grupit 10 me po aq pikë sa Spanja.
