Një operacion antidrogë po zhvillohet në zonën e njohur si “Kodra e Diellit 2” në Tiranë.
Sipas të dhënave paraprake, Forcat Operacionale kanë ushtruar kontrolle në disa ndërtesa.
Bëhet fjalë për një hetim disa mujor, ku Operacionalja ka rënë në gjurmët e një rrjeti trafikantësh droge që operonin në atë zonë të kryeqytetit. Sipas burimeve mediatike deri më tani janë ndaluar disa persona, ndërsa policia ende nuk ka bërë asnjë reagim zyrtar.
Rrjeti i trafikantëve bashkëpunonte me grupe të huaja kriminale. Operacioni është kryer në bashkëpunim me organet ligjzbatuese shqiptare me ato ndërkombëtare.
Aksioni lidhet me eksponentë të krimit që dyshohet se shpërndajnë kokainë.
