Bruno Guimaraes është emri i përzgjedhur nga drejtuesit e Real Madrid për merkaton e mesfushës.
Ata kanë kuptuar se gropa e madhe që ka lënë Toni Kroos në mesfushë nuk kompensohet dot. Për këtë, Los Blancos janë të gatshëm të shesin francezin Tchouameni për një shifër 30-40% më të lirë sesa 100 mln eurot e investuara për të.
Prej dy sezonesh tashmë, brazliani është pjesë kryesore e Newcastle në Premier League. Ai është kërkuar vazhdimisht nga Pep Guardiola, por pa sukses.
Ajo që vlen për t’u diskutuar është shifra që klubi anglez kërkon për të, 120 milionë euro. Florentino Perez duket i gatshëm për të paguar, por është kosto për t’u konsideruar.
