Kreu i lëvizjes “Shqipëria Bëhet”, Adriatik Lapaj ditën e sotme ishte në Samaticë të Bashkisë së Dimalit.
Lapaj zhvilloi një takim me fermerët dhe blegtorët e kësaj zone ku prezantoi programin e “Shqipërisë Bëhet” për zonat rurale në kuadër të zgjedhjeve parlamentare të vitit 2025.
Gjatë takimit Lapaj u premtoi fermerëve dhe blegtorëve:
1. Subvencionim i prodhimit për kilogram;
2. Vendosja nën kontroll total të subjekteve që shesin/importojnë/prodhojnë fara dhe fidanë;
3. Vendosja në kontroll të plotë e subjekteve që importojnë dhe shesin pesticide dhe plehra kimike;
4. Hapja e Bankës Kombëtare Agrare me kapital 100% shtetëror, e cila do të financojë me kredi të buta fermerët/blegtorët/peshkatarët/bletërritësit duke u dhënë fund kredive me interesa vrastare nga fajdexhinjtë e mikrokredive;
5. Mbrojtje nga importet kontrabandë.
