Një tjetër aksident i rëndë automobilistik është regjistruar mbrëmjen e sotme në aksin e vjetër Vlorë-Fier, në zonën e Bestrovës.
Burime bëjnë me dije se një automjet tip “Porsche”, me të cilin udhëtonin tre të rinj ka dalë nga rruga dhe është përplasur me barrierat mbrojtëse. Siç shihet në foton e mësipërme, barriera ka përfunduar brenda automjetit.
Si pasojë e aksidentit, një prej të rinjve ka marrë lëndime të shumta dhe është dërguar me urgjencë në spitalin e Vlorës për ndihmë mjekësore.
Policia ndodhet në vendin e ngjarjes dhe po punon për sqarimin e rrethanave të aksidentit.
