Një plagosje me armë zjarri ka ndodhur mbrëmjen e te enjtes në qytetin e Bilishtit.
Burimet thane se i plagosur ka mbetur 45-vjeçari i identifikuar Erion Çollaku. Ai është qelluar me një plumb në bark dhe ndodhet në gjendje të rëndë në Spitalin e Korçës.
Nuk dihen ende rrethanat e ngjarjes dhe policia po punon për kapjen e autoreve.
Njoftimi i policisë
Më datë 03.05.2018, rreth orës 19:30, jemi njoftuar se në një lokal në Bilisht, shtetasi A.O, rreth 50 vjeç, pas një konflikti për motive të dobëta, ka plagosur me armë zjarri shtetasin E.C. rreth 45 vjeç, të dy banues në Bilisht.
Ky i fundit aktualisht po merr mjekim në Spitalin e Korçës, ku ndodhet në gjendje të rëndë shëndetësore.
Forcat e Policisë janë vënë në ndjekje të autorit dhe po punojnë për zbardhjen e rrethanave të ngjarjes dhe kapjen e tij.
