Policia e Korçës ka shpallur në kërkim 46-vjeçarin Edison Sheme, i cili akuzohet se ka abuzuar seksualisht me një 16-vjeçare, prej 4 vitesh, që kur e mitura ishte 12 vjeçe. Dyshohet se abuzimi ka ndodhur në ambientet e një magazine dhe se ai e kërcënonte që ajo të mos tregonte.
Por ndërkohë, familjarët e 46-vjeçarit gjithçka e quajnë një sajesë nga persona që kanë qëllime të caktuara. E ëma e Edison Shemes, në një prononcim për mediat thotë se kjo sajesë është bërë në bllok nga i gjithë fshati Sheqeras, teksa mohon që dy familjet të kenë pasur hyrje-dalje.
Ajo thotë më tej se shofja për të birin ka ardhur pikërisht ditën kur ai kishte një gjyq me kryeplakun, duke e akuzuar indirekt se kjo akuzë është sajuar prej tij.
“Jam nëna e tij. Kur paskërka 4 vite me atë fëmijë, deri më sot çfarë beri nëna e babai i saj? 4 vite, unë te kem vajzën time e për 4 vite të hesht e të dal tani, nuk e di si e kanë bërë punën, inati. Djali nuk e ka kryer këtë veprim. Djali gjithë ditën në punë, me fëmijët, me shtëpi, puntor sa ska ku të shkojë më.
E shihni gjendjen, krahët e tij e kanë bërë. Nuk e bënte gjithë këtë po te ishte e asaj rruge. Nuk kemi lidhje me ta, fshatare, i ati vinte rregullonte zetorin në puna e djalit. Nuk kemi hyrje dalje në shtëpi. As me kane ardhur e as u kam shkuar. Ah mor bir ta dish çfarë ka. Kjo gënjeshtër është bllok me gjithë fshatin Sheqeras. Ka patur sherr me kryeplakun, pse nuk u bë para 4 vitesh por pardje që kishte gjyqin me kryeplakun e fshatit?
Një kërcënim i ka bërë djalit. Djali im është kërcënuar. Mos e mbyll gjyqin se do ta shohësh. Djalin nuk e di ku është. E çova në gjyq, nuk di gjë. Erdhi policia e kërkonte, një sqarim kemi thanë. As me sqaruan gjë fare. Nuk kam folur unë me familjen, foli djali tjetër, I ati ka thënë se nuk di gjë por e ka marrë në dorë çupa e madhe dhe gruaja. Kjo grua kur thotë 4 vite, sot e gjeti? Pardje e gjeti në gjyqin me kryeplakun? Ja një vit, dy tre. Ku ishte kjo nënë?” – thotë ajo për mediat.
