Ernest Muçi vijon me formën e jashtëzakonshme teksa sonte ka shënuar golin e radhës me fanellën e Besiktas.
Sulmuesi i Kombëtares i dha avantazhin turqve në sfidën që këta të fundit po luajnë kundër Malmo-s në kuadër të Europa League.
23-vjeçari pas një aksioni perfekt të ekipit të Besiktas realizoi nga një kënd i vështirë për të gjetur cepin e portës në minutën e 76-të. Më pas, Besiktas dyfishoi shifrat me Semih Kilicsoy teksa shkon i sigurt drejt fitores.
Forma e Muçit nuk është një lajm i mirë vetëm për Besiktas. Sulmuesi shqiptar pritet që të japë kontributin e tij edhe me Kombëtaren në ndeshjen e nëntorit përballë Çekisë dhe Ukrainës.
