Sali Berisha ishte i pari ai që komentoi lënien e mandatit të deputetit nga Saimir Tahiri. Pasi doli nga Kuvendi, ish-kryeministri tha se kjo ishte një fitore për qytetarët dhe opozitën, që sipas tij ka flamurin e dekriminalizimit.
Por Berisha foli dhe për një takim në një spital privat, mes Ramës, Tahirit dhe Erjon Veliajt.
Pjesë nga fjala
Edvin Kristaq Rama është arkitekti i zi i politikës së kanabizimit, kokainizimit dhe heroinzimit të Shqipërisë Dorëzimi i mandatit të tij sot është dëshmi e forcës së krimit. Atë që nuk bëri dot parlamenti e bëri Saimir Trafiku. Në vend që një parlament të ketë forcën për ta hequr nuk ia hoqi dot. Një takim i fshehtë është bërë në një spital privat. Janë bërë dhe premtime për kulla, i treti ishte lal plehu… Kjo është fitore e mbarë qytetarëve shqiptarë dhe opozitës që mban flamurin e dekriminalizmit. Asgjë nuk ndryshon nëse njeriu që flet në parlament vazhdon të qeverisë. Edi Rama është pengesa kryesore e Shqipërisë për në BE.
