Roma ka fituar minimalisht 1-0 sonte përballë Torinos në kuadër të javës së 10-të në Serie A. Pas vetëm 20-të minutash lojë, Paulo Dybala kaloi verdhekuqtë në epërsi, në atë që doli të ishte goli i vetëm i ndeshjes.
La Joya ishte lojtari më i rrezikshëm i Romës, duke krijuar edhe shanse të tjera për gol, mirëpo i mungoi saktësia pas golit të epërsisë. Në minutën e 52-të, Dybala lëshoi një goditje të fuqishme brenda zonës, por që topi përfundoi ngjitur shtyllës së djathtë.
Roma ia doli të mbante këtë epërsi minimale përkundër personit të Torinos për t’i fituar tri pikët e para pas dy humbjeve radhazi dhe një barazimi. Pas javës së dhjetë, Roma është në vendin e dhjetë me 13 pikë, ndërsa në javen e 11-të takohen me Veronan.
Nga ana tjetër Lacio ka shkaterruar me 5 gola Comon ne ate qe ishte një sfidë e cila shkoi direkt ne disheze pasi bardhekaltërit realizuan dy gola pas 31 minutash me Castellanos dhe Pedro.
Ekipi liqenor i drejtuar nga Fabregas reagoi me Mazzitellin duke ngushtuar shifrat por mbeti me dhjetë pas daljes me të kuq nga Braunoder.
I kuq që më pas kaloi te ekipi tjeter pasi edhe Nuno Tavares, asistman më i mirë në top 5 ligat kryesore europiane (8 pasime per gol) u perjashtua si pasojë e dy të verdhave.
Por, Lacio vazhdoi të sulmonte dhe gjeti edhe 3 gola të tjerë me Patric, serish Castellanos dhe në fund me Loum Tchaouna. Lazio qe ngjitet keshtu në vend te 5-te me 19 pike, po aq sa Fiorentina dhe Atalanta.
