Ka startuar në orën 14:00 takimi mes Tiranës dhe Vllaznisë e vlefshme për javën e 11-të të Kategorisë Superiore.
Bardheblutë luajnë si pritës por klasikja e futbollit shqiptar po luhet në Lushnje në mungesë të një stadiumi në kryeqytet. Për sa i përket takimit, shkodranët e kryesojnë bindshëm atë në shifrat 2-4.
Praktikisht kuqeblutë siguruan tre pikët që në fraksionin e parë të lojës teksa e mbyllën atë në avantazh të trefishtë falë golave të Bekim Balajt (dopietë) dhe Esat Malës.
Në pjesën e dytë skuadra e Shkëmbit tentoi të reagonte duke shkurtuar shifrat falë një autogoli të Admir Bajrovic (56′), por Ildi Gruda në të 65-tën shënoi golin që i vë kapak edhe sfidës duke i çuar në 1-4 shifrat.
Më pas një incident i rëndë ndodhi pasi lojtarët shkodranë ishin duke festuar, në drejtim të tyre tifozët e Tiranës hodhën një lëndë plasëse duke dëmtuar tre lojtarë të Vllaznisë, me Malën dhe Qaton që morën ndihmë. Ndeshja vijoi 1-4 pas 13 minutave ndërpreje.
MOMENTI I DEMTIMIT TE LOJTAREVE TE VLLAZNISE – VIDEO
Tirana shënoi një tjetër gol në shtesë duke shkurtuar sërish diferencat.
