Nga Jamarbër Malltezi
Para 1 muaji depozitova një padi penale për mashtrim dhe shpërdorim detyre të prokurorëve Millonai dhe Kraja. Në përpjekje t’i sherbejnë Edi Ramës kanë gënjyer në mënyrë të përsëritur duke u vetëposhteruar, por nuk i kam paditur as për genjeshtrat që ndryshimet e destinacionit të tokës që kreu Rama në 2006 dhe 2008, ia veshin Berishës në 2006 dhe 2013, as për gënjshtrën që shkruajtën sikur ka vijuar qiraja për apartament të shitur kur e kishin të sqaruar që ishte për tjetër, as për genjeshtrën e qëllimshme sikur është marrë qera 8,000 euro/muaj kur në fakt ishte 800 euro/muaj, biles as për gënjshtrat e turpshme që paratë e paguara për zekat (bamirësi) për trajtimin e femijëve e quajnë korrupsion. Këto jane thjesht tregues qe nuk kanë moral por nënshtrim politik.
Në fakt i padita për shpërdorim detyre pasi kanë arrestuar pa ligj, pra duke përdorur një nen i cili nuk i përket personit a thua se janë injorantë në fushën e ligjit. Në përpjekje për të luftuar opozitën e moslejuar që të jem në fushatë kundër kryehajdutit “intelektual” që vjedh qindra milionë euro me një dorë, shërbyesit e tij bëjnë idiotin e dobishëm duke berë sikur nuk shikojnë, nuk dëgjojnë dhe nuk kuptojnë dhe duke më akuzuar për nenin e zyrtarëve të lartë kur unë nuk kam qenë kurrë as zyrtar e as i zgjedhur vendor.
Në vijim, prokurorët shërbëtorë të Edi Ramës kanë shkruar qysh kur më arrestuan se VKM për përdorimin e letrave me vlerë u krye ne 2008 për të ndihmuar veç këto familje pronare që të paguajnë sa me pak para, pasi ajo VKM u anullua 7 muaj më pas. Kjo është shkruar e zezë në të bardhë në vendimin e militantes delinkuente Irena Gjoka.
Ndonëse qysh në atë seancë i tregova që po mashtronin pasi në – pronarët fisnikë të Tiranës – kishim paguar 90% me para në bankë dhe përfituam veç 10% që paguam me letra me vlerë prapë militantët e Edi Ramës mbyllën veshët e nuk dëgjuan. POR del se prokurorët e bashkë me ta edhe Irena Gjoka mashtruan! Kjo pasi VKM e ndryshuar në Korrik 2009 kish hequr të drejtën e pagesës me letra me vlerë veç për pikën e parë, pra për ata që fitonin në ankand të hapur duhej ta paguanin me para e jo me letra me vlerë, dhe nuk shprehej fare për pikën tjetër, pra e la siç ishte që pronarët e tokës kanë të drejtë të përdorin letrat me vlerë për privatizimin e ndërtesave në tokën që hajdutët ua vodhën pronarëve dhe ia mbajtën aq gjatë të vjedhur.
Genjeshtra deri në nenin e ligjit nga prokurorët politike ishte shokuese. Këtë genjeshtër e përdorën krahas të tjerave për të kërkuar arrestim!
Për këto arsye para 1 muaj padita Krajën dhe Millonain në Prokurori të Tiranës. Pa asnjë njoftim prej Prokurorisë së Tiranës, pasi kaluan mbi 20 ditë, veç kur me vjen njoftim nga një koleg i Krajës dhe Millonait në SPAK që prokurori koleg i tyre kish marrë vendim për mosfillim hetimesh! Pra, në dhunim të afateve dhe parimeve të konfliktit të interesit, kolegët mbrojnë kolegët edhe kur shkelin ligjin.
Ndaj këtë padi tani e dërgova në Gjykatën kundër Korrupsionit të SPAK me kërkesën që gjykata të vendosë për hetim nga Prokuroria e Tiranës të këtyre shkeljeve ligjore.
Kjo nuk është hera e parë që prokurorët Kraja dhe Millonai kanë shpërdoruar detyrën. Prokurorja Millonai e promovuar nga Elbasani ku drejtues i PS ishte Taulant Balla nuk mund të pranonte të cënoheshin interesat e tij, ndaj prokurorët sekuestruan dosjen civile ku kisha paditur Taulant Ballën për shpifje. Ky veprim i padëgjuar pamundësoi që kjo dosje të shkonte në gjykatë, duke shkaktuar për pasojë shkelje të të drejtave kushtetuese për process të rregullt ligjor.
Edhe gjatë këtij procesi ka dalë se Edi Rama për urrejtjen e tij politike refuzoi të zbardhë lejen e ndërtimit dhe pronarët e çuan në gjykatë ku ka rezultuar se ka shpërdoruar detyrën (vepër penale sipas Nenit 248 te KP) duke sjellë dëm financiar mbi 320,000 € dhe kjo me vendim gjykate të formës së prerë qe nuk ka nevojë të bëje hetime SPAK. Me pas është vertetuar se Edi Rama ka refuzuar të zbatojë vendim gjykate (vepër penale sipas nenit 321 të KP), si edhe ka kryer veprime në pengim të zbatimit të vendimit të gjykatës (neni 320 i KP). Por aha… nuk zbatohet ligji kur shkelësi quhet Edi Rama. Lëpirësit e Edi Ramës të kapur në gënjeshta as nuk pranojnë të pyesin Edi Ramën jo më ta marrin në përgjegjësi penale.
Dhe këtu ende nuk po flasim per ligjet dhe VKM e personalizuara per Bolinot, Olsin, etj.
Ligji i njëjtë për të gjithë?
Prokurorët bëjnë debilin e dobishëm deri në mashtrim për interes të kryehajdutit, dhe pastaj as nuk e pyesin dot edhe kur ju del që ka shkel disa ligje veç në një ceshtje.
