Bojkoti i ceremonisë së ”Topit të Artë” nga delegacioni i plotë i Real Madrid, bën të qartë se nuk do të jetë Vinicius fituesi i trofeut më të lakmuar individual për futbollistë.
Kësisoj, favoriti kryesor për të marrë trofeun mbetet vetëm një dhe ai ka mbërritur tashmë në Paris. Bëhet fjalë për mesfushorin e Spanjës dhe Manchester City-t Rodri, i cili ka qenë një lider i vërtetë i këtyre dy ekipeve në vitin e fundit duke spikatur me lojën e tij.
⚽️ Así fue la llegada de Rodrigo de cara a la Gala del Balón de Oro de esta noche
@AranchaMOBILE pic.twitter.com/8mdQknIZbP
— Tiempo de Juego (@tjcope) October 28, 2024
28-vjeçari është dëmtuar në fillimin e këtij sezoni dhe ka mbyllur sezonin, por ai ka qenë ndër të parët që ka mbërritur sot në Paris, për t’u bërë gati për ceremoninë ku duket e sigurt se do të jetë ai që do të çojë lart trofeun.
Rodri ka mbërritur në Paris duke ecur me paterica, për shkak të këmbës që ka në allçi pas ndërhyrjes kirurgjikale që ka kryer.
