Policia e Tiranës bën me dije se ka proceduar penalisht 3 të mitur, të cilët akuzohen se kanë vjedhur disa monopatina në zona të ndryshme të Tiranës. Ata akuzohen për veprën penale “Vjedhja” kryer më shumë së njëherë.
Gjithashtu, nën hetim janë vënë dhe prindërit e tyre, shtetasit L. M., 46 vjeçe, M. M., 32 vjeçe, dhe H. G., 44 vjeç, të tre banues në Tiranë, për veprën penale “Përvetësimi i parave ose mallrave që rrjedhin nga vepra penale ose veprimtaria kriminale”.
Dyshohet se të miturit iu merrnin të miturve paratë, pasi ata i shisnin monopatinat. Gjatë kontrolleve të ushtruara në banesat e të miturve, uniformat blu kanë gjetur 8 monopatina të dyshuara të vjedhura.
Njoftimi:
Tiranë/Vijon puna nga Komisariati i Policisë Nr. 3, për goditjen e paligjshmërive në fushën e vjedhjes.
Dokumentohen me prova ligjore disa vjedhje monopatinash të kryera nga 3 të mitur, në zona të ndryshme të Tiranës.
Sekuestrohen 8 monopatina, të dyshuara të vjedhura.
Specialistët për Hetimin e Krimeve në Komisariatin e Policisë Nr. 3 proceduan në gjendje të lirë 3 të mitur për veprën penale “Vjedhja” kryer më shumë së njëherë, si dhe prindërit e tyre, shtetasit L. M., 46 vjeçe, M. M., 32 vjeçe, dhe H. G., 44 vjeç, të tre banues në Tiranë, për veprën penale “Përvetësimi i parave ose mallrave që rrjedhin nga vepra penale ose veprimtaria kriminale”, parashikuar nga neni 287/b i Kodit Penal.
3 të miturit dyshohet se kanë vjedhur disa monopatina në zona të ndryshme të Tiranës.
Në vijim të veprimeve, gjatë kontrolleve të banesave të tyre, shërbimet e Policisë gjetën dhe sekuestruan, në cilësinë e provës materiale, 8 monopatina të dyshuara të vjedhura.
Materialet i kaluan Prokurorisë.
