Ndeshja mes Egnatias dhe Dinamos, e vlefshme për javln e 10 të Kategorisë Superiore, nuk ka shkuar më shumë se një barazim 1-1, teksa vendasit luajtën me një lojtar më pak që prej minutës së ’53 të takimit.
Të dy golat e ndeshjes u shënuan me anë të penalltive që në pjesën e parë të lojës.
Fillimisht ishte Vuthaj që u pengua në zonë në minutën e ’17, teksa 11-metërshi u rishikua edhe nga VAR, teksa u shndërrua në gol nga Regi Lushkja.
Ndërsa në minutën e ’38 ishte Alijev ai i cili ndërhyri gabimisht në zonë ndaj Zabërgjes, teksa penallshtia u shndërrua në gol nga Dejvi Bregu, duke barazuar rezultatin për Dinamon.
Në minutën e 53’ të ndeshjes, Aleksi u ndëshkua me kartonin e dytë të verdhë pas një faulli ndaj Gudiabit, dhe gjyqtari Xhaja i tregoi të kuqin mesfushorit i cili u largua nga fusha e lojës me protesta.
Në inferioritet numerik, rrogozhinasit u hodhën në mbrojtje, duke e mbajtur rezultatin të pandryshuar deri në fund.
Kësisoj, të dy ekipet morën nga një pikë në këtë duel, që i bashkon për momentin me Partizanin në vendin e parë me nga 16 pikë.
