Një godinë banimi është përfshirë nga zjarri mbrëmjen e kësaj të mërkure në lagjen “15 Tetori” në Fier. Flakët kanë përfshirë katin e tretë të ndërtesës katërkatëshe, duke shkaktuar panik mes banorëve të zonës.
Në vendin e ngjarjes kanë mbërritur dy mjete zjarrfikëse, të cilat po punojnë për shuarjen e flakëve.
Mësohet se në momentin e rënies së zjarrit në banesë kanë qënë dy të moshuar të cilët janë nxjerrë në kohë nga banesa të ndihmuar edhe nga fqinjët.
Aktualisht, nuk janë raportuar persona të lënduar, por ekipi i zjarrfikësve është angazhuar për të evituar përhapjen e zjarrit në katet e tjera.
Autoritetet po hetojnë për të zbuluar shkaqet e këtij incidenti, të cilat ende nuk janë konfirmuar.
