Gazetari Sami Neza shprehet se Ilir Meta ka provuar të gjitha detyrat e rëndësishme të këtij shteti dhe për këtë arsye, nuk do të duhej të ishte bërë një arrestim i tillë.
Ai thekson se forcat e policisë e kanë për detyrë të identifikohen dhe të tregojnë dokumentet që janë të nevojshme për arrestimin.
“Nuk është nevoja që të merret në flagrancë një ish-zyrtar.
Fakti që ai është ish-kryeministri i këtij vendi, ish-kryetari i parlamentit, ish-presidenti, ka provuar të gjitha detyrat më të rëndësishme shtetërore, bart një eksperiencë, etikë dhe informacion, ishte e panevojshme të bëhej një arrestim në këtë formë.
Aq më tepër kur forcat e policisë e kanë për detyrë të identifikohen dhe të tregojnë dokumentet që janë të nevojshme për arrestimin.
Ndërkohë që personi që shoqëronte Metën në makinë, e vetmja gjë që ka bërë Meta është se i ka kërkuar vendimin e arrestimit dhe ata nuk kanë vepruar”, tha Sami Neza në ‘Task Force’ në SYRI TV.
