Donald Trump ka hapur epërsinë e tij më të madhe ndaj Kamala Harris për Shtëpinë e Bardhë vetëm tre javë para zgjedhjeve të nëntorit sipas kuotave të basteve.
Si tregjet amerikane dhe ato ndërkombëtare të basteve u zhvendosën në favor të një fitoreje të Trump për Kolegjin Zgjedhor gjatë fundjavës, me faqet e parashikimit si Polymarket dhe PredictIt që tregojnë shanset presidenciale të Trump përpara atyre të kandidates demokrate.
Është hera e parë që Trump është në krye të tregut të basteve që nga debati presidencial i 10 shtatorit, në të cilin Harris u konsiderua gjerësisht si fituesja.
Kuotat e kandidates demokrate, megjithatë, kanë qenë në stanjacion që atëherë, ndërsa Trump ka qenë në rritje.
Sipas Polymarket fitorja e Trump ka 57.5% shanse që të realizohet kundrejt 42.5% të Harris. Nga ana tjetër Harris ka 63% shanse të fitojë votën popullore por kjo nuk do ta bënte atë presidente.
Polymarket thotë se ish-presidenti ka avantazhin në gjashtë nga shtatë shtetet kryesore të Amerikës. Kandidati republikan parashikohet të fitojë Arizonën (68%), Gjeorgjinë (64%), Pensilvaninë (54%), Miçiganin (52%), Karolinën e Veriut (63%) dhe Wisconsin (52%).
I vetmi shtet në fushëbetejë ku Harris ka mbajtur një epërsi të lehtë është Nevada, ku asaj iu dha një shans 51% për fitore, ndërsa shanset e Trump qëndronin në 49%.
