Ish-presidenti dhe kandidati për president në SHBA, Donald Trump duket se i ka shpëtuar një atentati të tretë t; mundshëm ndaj tij, brenda pak kohësh.
Një burrë i cili mbante një pushkë gjahu dhe një pistoletë të mbushur është arrestuar në një kryqëzim pranë mitingut të Trump në Coachella, Kaliforni, të shtunën.
49-vjeçari Vem Miller po drejtonte një fuoristradë të zezë, kur u ndalua në postbllokun e sigurisë, të cilët gjetën dy armët e zjarrit dhe një karikator. Zyra e Sherifit të Qarkut Riversidetha se incidenti nuk ndikoi në sigurinë e Trump apo dikujt në ngjarjen e tij.
Pak pas ngjarjes sherifi Chad Bianco doli në një konferencë për mediat, ku tregoi të gjithë dinamikën e ngjarjes. Sherifi thotë se Coachella, vendi ku mbahej mitingu, kishte dy perimetra sigurie, një perimetër të jashtëm dhe një perimetër të brendshëm.
I dyshuari iu afrua perimetrit të jashtëm, “i dha të gjitha indikacionet se ai lejohej të ishte atje, ai u lejua përmes atij perimetri të jashtëm, pasi arriti në atë perimetrin e brendshëm “shumë parregullsi u shfaqën”, thotë sherifi.
Brenda automjetit ishte “mjaft rrëmujë dhe kishte një targë false, gjë që nxiti hetime të mëtejshme”, thotë ai. Hetuesit gjetën pasaporta të shumta me emra të shumtë, patenta të shumta shoferi, thotë sherifi, duke shtuar se targa ishte e pa regjistruar.
Sherif Bianco shton më pas se i dyshuari mundi të kalonte në perimetrin e dytë sepse “ai pretendonte se ishte gazetar dhe pretendonte se kishte statusin VIP në ngjarje”.
I dyshuari Vem Miller u tha autoriteteve se ai ishte një anëtar i grupit të ekstremit të djathtë të quajtur Qytetarët Sovran, thotë sherifi Bianco, i cli doli para mediave pasi autoritetet parandaluan atë që mund të quhet si tentativa e tretë për të vrarë kandidatin republikan për President, Donald Trump.
Ai thotë se targa ishte gjithashtu “tregues i një grupi individësh që pretendojnë se janë Qytetarë Sovranë”, por nuk ka arritur në përfundimin se Miller ishte anëtar.
“Unë nuk do të thosha se është një grup militant. Është thjesht një grup që nuk beson në kontrollin e qeverisë,” thotë ai. “Ata nuk besojnë se qeveria dhe ligjet zbatohen për ta.”
Sherifi i Qarkut Riverside, Chad Bianco tha se ishte e pamundur të spekulohej se çfarë kishte në mendjen e të dyshuarit, duke shtuar se “besonte vërtet se oficerët e tij kishin parandaluar një atentat të tretë”. Ai shtoi se mund të jetë e pamundur të vërtetohet se ky ishte qëllimi i njeriut.
Indicenti vjen pas dy tentatiave për vrasje ndaj ish-Presidentit të Amerikës. Miller u lirua me kusht prej 5.000 dollarësh dhe ndaj tij nuk u ngrit asnjë akuzë federale.
