Janë publikuar pamjet e përleshjes masive mes punëtorëve shqiptarë dhe rumunë të regjistruar pasditen e kësaj të premte, rreth orës 15:00 në në kantierin e stadiumit ”Camp Nou” të Barcelonës.
Nga pamjet duket se sherri ka nisur teksa punëtorët ndodheshin në një kolonë betoni, dhe ka vijuar edhe poshtë, duke bërë që të përfshihen edhe persona të tjerë.
Veç se me grushte dhe shkelma, ata godasin njëri-tjetrin edhe me dërrasa apo çekiçë. Gazetarja e “SER Catalyna”, Anna Punsi, e cila ishte e para që raportoi lajmin, tha se ishin përdorur edhe armë të ftohta në sherr dhe drejtuesit e punimeve kanë marrë vendimin për të përjashtuar nga puna të gjithë punëtorët e përfshirë në konflikt.
“Ishte një përballje mes punëtorëve rumunë dhe shqiptarë. Ata ishin operatorë të një kompanie nënkontraktore. Siguria e punimeve dhe e kantierit është në dorën e një kompanie private sigurie të punësuar nga kompania e ndërtimit”, shkruan gazetarja.
Stadiumi i rinovuar “Camp Nou” pritet të hapet me një kapacitet të kufizuar në mars të vitit 2025.
Estoy llorando con los obreros del Camp Nou. pic.twitter.com/w9OwHumjzb
— Jeff (@JeffFcb14) October 11, 2024
