Janë zbardhur emrat e dy autorëve që vranë kushëririn e tyre në Athinë. Bëhet fjalë për dy kushërinjtë e të riut shqiptar, Enis Loka 17-vjec, i cili ka marrë përsipër edhe vrasjen ndërsa vëllai i tij Aleksandros Loka sipas dëshmisë së tij e ndihmoi në vrasje.
Fillimisht 28-vjeçari Denis Loka u qëllua me thikë në fyt nga dy kushërinjtë e tij dhe më pas humbi jetën gjatë rrugës për në spital.
Rreth një orë më vonë dy vëllezërit janë paraqitur në komisariatin e Kipselit dhe kanë rrëfyer se kanë vrarë 28-vjeçarin, i cili kishte shkuar së fundmi në Greqi.
17-vjeçari ka treguar në polici se ka qenë ai që ka plagosur për vdekje 28-vjeçarin, ndërsa 19-vjeçari ka qenë bashkëpunëtor.
Sipas mediave greke vrasja ka ndodhur për hakmarrje, pasi sipas dëshmisë së vëllezërve kur kanë qenë fëmijë, 28-vjeçari ka abuzuar seksualisht në Shqipëri. Kur u takuan ata debatuan për atë që pretendojnë se ka ndodhur në të kaluarën. Viktima ka tentuar t’i qetësojë, por ka ndodhur një sherr, i cili ka sjellë plagosjen fatale të 28-vjeçarit.
