Fiton Vllaznia 1-0″. Parashikim i guxim shëm apo informacion për një ndeshje të trukuar? Quajeni si të doni, por Xhelal Mziu e tha diçka të tillë pak minuta përpara se të niste ndeshja në Shkodër mes Vllaznisë dhe Laçit. Dhe kjo nuk është hera e parë që kryebashkiaku i Kamzës godet në shenjë.
Ai gjeti gjithashtu pak javë më parë se Teuta do të fitonte kundër Laçit. Dhe thonë se dy fakte bëjnë një provë, atëherë diçka e vërtetë është. Por Mziu tregohet i matur dhe thjesht e lë të kuptohet se ndeshjet janë me telekomandë. Aq sa ai guxon. “Prisni, do t’u jap një tjetër rezultat në fillimin e javës së ardhshme”, thotë për “Panorama Sport” në fundin e ndeshjes mes Vllaznisë dhe Laçit.
PARASHIKIMI
Mziu kontaktoi me gazetën përpara se të niste ndeshja në Shkodër mes kuqebluve dhe kurbinasve duke bërë të ditur se do të fitonin vendësit me rezultatin 1-0. “Kam informacion se fiton Vllaznia. Premion që i kishin premtuar, e ka marrë Laçi!
Vini baste se fiton Vllaznia 1-0?, deklaroi Mziu për “Panorama Sport”. Qëlloi në shenjë dhe fakti që ai thotë se ka pasur informacione, atëherë diçka të vërtetë do të ketë. Xhevahir Sukaj vendosi me penallti ndeshjen në Shkodër dhe fundi i tabelës elektronike tregonte 1-0.
“JU THEM TJETËR”
Gazeta kontaktoi menjëherë me kryebashkiakun e Kamzës pas ndeshjes dhe ai nuk shtoi gjë tjetër, veçse premtoi se në fillimin e javës së ardhshme sportive do të tregojë rezultatin e një tjetër ndeshjeje në Kategorinë Superiore. “Unë e thashë përpara ndeshjes çfarë do të ndodhte dhe doli. Tani në prag të javës tjetër do t’ju them prapë se cilat do të jenë ndeshjet e trukuara. Akoma nuk e keni parë ju.
Dikush që merr vesh nga futbolli, e kupton”, tha fillimisht Mziu për gazetën. I pyetur nëse kjo është një strategji nga ana e Kamzës, e cila ndoshta kërkon të vërë nën presion kundërshtarët me këto deklarata për të krijuar situata nga të cilat mund të përfitojë, Mziu tregon faktin që skuadra e tij në fillim grumbulloi 26 pikë, ndërsa tani e ka të vështirë. Dhe në fund një tjetër deklaratë që bën akoma më të besueshme parashikimet e tij. “Kamza në dy faza mori 26 pikë, ndërsa tani ‘me më shumë përforcime nuk po merr pikë. Mjafton me kaq. Komunikojmë sërish në prag të javës që vjen”, përfundon ai. Arsyeja? Për të bërë një tjetër parashikim. Të shohim nëse edhe në herën e tretë Mziu do të tregohet i saktë. Dy herë nuk ka gabuar.me më shumë përforcime nuk po merr pikë. Mjafton me kaq. Komunikojmë sërish në prag të javës që vjen”, përfundon ai.
