Një grup drejtuesish të automjeteve të rrugës së Dukagjinit protestuan paraditen e sotme para bashkisë Shkodër. Ata kërkojnë takim me kryetaren e bashkisë për të marrë një zgjidhje për rrugën e Dukagjinit e cila është tërësisht e amortizuar dhe po u shkatërron mjetet.
Por deri tani askush nuk i ka pritur për ti dhënë një zgjidhje
“Nuk kemi si të paguajme 2 milion lekë në vit licensa mjetesh me një rrugë që veç emrin e ka të tillë. Një rrugë tejet e rrezikshme. Ne do te marrim masa ekstreme qe ta bllokojmë” u shprehën ata duke kërcënuar se do të përshkallëzojnë protestën me bllokimin e lëvizjes në këtë aks.
Drejtuesit e mjeteve kanë dhënë një javë kohë për të marrë përgjigje.
