Marash Kumbulla ishte protagonist absolut në fitoren 2-1 të Espanyol kundër Mallorcas. Golin e parë të takimit për Espanyol e shënoi pikërisht mbrojtësi i Shqipërisë.
24-vjeçari shkëlqeu në fushë dhe për këtë mori vlerësimin 8.4 nga “Sofascore”. Gjatë ndeshjes që luajti të plotë si titullar, Kumbulla pati 2 bllokime të gjuajtjeve nga kundërshtarët, 2 ndërhyrje.
Në anën tjetër 30 nga 36 pasimet e tij ishin të sakta. Fitoi 4 nga 5 duelet në fushë dhe 5 nga 7 duelet me kokë. Ndërkohë me goditjen e pjesës së parë, dërgoi dhe topin në rrjetë.
Pas një periudhe prej 3 humbjeve në La Liga, Espanyol fitoi dhe renditet aktualisht në vendin e 12-të.
