Një krim i rëndë ka ndodhur në Francë, ku një shqiptar ka mbetur i vdekur të mërkurën e kaluar në Mulhouse, pasi është qëlluar me pushkë nga një fqinji i tij. Ngjarja ka ndodhur rreth orës 17:45 në një ndërtesë të vogël banimi në rrugën “Rue des Juifs”, në lagjen Dornach.
Ndërkohë, burimet bëjnë të ditur se i vrari është S. N. nga Gjakova, dhe ka jetuar që 19 vjet në Francë, derisa autori i krimit është një algjerian, i cili ndodhet ende në arrati, derisa për policinë franceze është i njohur, shkruan albinfo.ch.
Shqiptari baba i tre fëmijëve dy djemve të moshës 6 dhe 4-vjeçare, si dhe një vajzë 2-vjeçare ishte larguar nga Kosova gjatë luftës. Fqinjët dhe familjarët janë shprehur të tronditur, ndërsa e tregojnë se ai ishte një patriot i madh.
Algjeriani e ka qëlluar në gjoks me tre plumba në sy të familjes, gruas dhe fëmijëve, çka ka qenë fatale për shqiptarin. Menjëherë pas ngjarjes është lajmëruar ambulanca, por fatkeqësisht nuk ka mundur t’u shpëtojë plagëve.
Mjekët, në Mulhouse, ia kanë hequr dy plumba nga trupi, ndërsa plumbi i tretë i kishte prekur zemrën gjë që ka bërë që të mos i mbijetojë plagëve të marra. Autoritet franceze, kanë bastisur shtëpinë e vrasësit, duke gjetur armë, pasaporta të ndryshme. Gjithashtu, sipas një të afërmi të tij, ai ishte ankuar disa herë në polici për fqinjin e tij, por asnjëherë kërkesa e tij nuk ishte marrë seriozisht.
