Xhovana Nikolli ka reaguar në lidhje me ndarjen nga jeta të fqinjit të saj në Elbasan, 29-vjeçarit Enea Thomaraj, viktime e pafajshme e një shpërthimi me tritol që ndodhi më 14 Korrik në qytetin e Elbasanit.
Shënjestër e atentatit me tritol ishin fqinjet e tij, motratat Xhovana dhe Alda Nikolli. Enea Thomaraj ishte duke shkuar në tualet në momentin që ndodhi shpërthimi me tritol, dhe si pasojë e shpërthimit të fortë, dera e banesës së tij u shemb dhe i shkaktoi dëmtime të rënda në kokë.
Për rreth 3 muaj ai u mbajt në reanimacionin e spitalit të Traumës në Tiranë, ku pavarësisht përpjekjeve të mjekëve ai nuk mundi që të mbijetonte.
Motrat Alda dhe Xhovana Nikolli akuzuan Nuredin Dumanin për krimin, megjithatë, ende sot nuk është zbardhur ngjarja dhe nuk janë identifikuar autorët.
Përmes një postimi në InstaStory, Xhoava Nikolli iu ka shprehur ngushëllime prej kohësh familjes së Enea, teksa ajo është shpërngulur prej kohësh nga Elbasani ku jetonte me qira me të motrën.
“Ngushëllime familjes së Eneas. Zoti ju dhëntë forcë të përballoni këtë dhimbje…Ju prehtë shpirti në paqe”, shkruan Xhovana Nikolli. Gjithashtu, ajo ka vendosur edhe në foton e profilit një shirit të zi.
