Sipas vendimit të “urdhëruar” nga kryeministri Edi Rama, Kuvendi i Shqipërisë nëpërmjet Komisionit të Etikës me firmat e deputetëve socialist, ka përjashtuar për 60 ditë, Sekretarin e Përgjithshëm të PD-së, Flamur Noka, Kryetarin e Grupin Parlamentar të PD-së, Gazment Bardhi dhe deputetin demokrat Bledion Nallbati.
Ky ndëshkim vjen pas tensioneve dhe kaosit në Paralment të hënën, ku u dogjën jashtë Kuvendit edhe karriget. Ndërkohë deputeti tjetër, Edi Paloka u ndëshkua me 10 ditë përjashtim nga punimet e Kuvendit, ndërsa të tjerët me 40 ditë.
Edhe mbledhja e sotme e Komisionit të Etikës u shoqërua nga kaosi dhe tensionet për shkak të protestës së deputetëve të opozitës në ambientet e Kryesisë së Kuvendit. Në një deklarate për mediat, sekretari i Përgjithshëm i PD, Flamur Noka, pohoi se mosbindja civile do të vazhdojë.
- Lista e deputetëve të PD-së që PS kërkoi përjashtimin:
1.Gazment Bardhi
2.Flamur Noka
3.Bledion Nallbati
4.Edi Paloka
5.Saimir Korreshi
6.Lefter Gështenja
7.Luan Baçi
8.Agron Gjekmarkaj
9.Dhurata Çupi
10.Xhelal Mziu
11.Ina Zhupa
12.Zheni Gjergji
13.Helidon Bushati
14.Lindita Metaliaj
15.Ramadan Lika
16.Asllan Dogjani
17.Qani Xhafa
18.Flamur Hoxha
19.Isuf Çela
20.Kastriot Piroli
21.Lodovik Hasani
22.Kasem Mahmutaj
23.Edmond Spaho
24.Dashnor Sula
Ky vendim vjen nga mazhoranca socialiste pas protestës së deputetëve demokratë pas burgosjes së Nënkryetarit të Grupit Parlamentar të PD, Ervin Salianji, i cili denoncoi publikisht vëllain trafikant të dënuar në Itali, të ish-ministrit të Brendshëm, Fatmir Xhafaj.
- Njoftimi i Kuvendit të Shqipërisë:
Të nderuar deputetë,
Bazuar në nenin 65/2 pika 2 të Rregullores së Kuvendit,
Ju njoftoj se me anë të shkresës nr. 3634 prot, datë 1.10.2024 të Grupit Parlamentar të Partisë Socialiste, është paraqitur kërkesa për marrje mase disiplinore ndaj 24 deputetëve:
Gazmend Bardhi, Flamur Noka, Bledion Nallbati, Edi Paloka, Saimir Korreshi, Lefter Geshtenja, Luan Baçi, Dashnor Sula, Agron Gjekmarkaj, Dhurata Çupi, Xhelal Mziu, Ina Zhupa, Zheni Gjergji, Helidon Bushati, Lindita Metaliaj, Ramadan Lika, Asllan Dogjani, Qani Xhafa, Flamur Hoxha, Isuf Çela, Kastriot Piroli, Lodovik Hasani, Kasem Mahmutaj, Edmond Spaho.
Ju njoftoj se Sekretariati për Procedurat, Votimet dhe Etikën do të mblidhet ditën e mërkurë, datë 2.10.2024, ora 15.00,
për shqyrtimin e kësaj kërkese.
Bashkëlidhur gjeni kërkesën për marrje mase disiplinore
