Pas plot gjashtë barazimeve radhazi, Tirana ka arritur të sigurojë fitoren e parë për këtë sezon të Kategorisë Superiore teksa mundën 2-1 Skënderbeun në “Air Albania”.
Heroi i ndeshjes ishte sulmuesi Fatmir Prengaj, me 23-vjeçarin që shënoi një dopietë në minutat 46’ e 72’, për të nxjerrë të pavlefshëm golin e Ermir Rashicës, të shënuar në pjesën e parë.
Kështu, Tirana ngjitet në kuotën e 9 pikëve, teksa pozicionohet në vendin e shtatë të renditjes, ndërsa Skënderbeu vendoset pas bardhebluve me 7 pikë.
