Avokati i Ervin Salianjit, Ledio Braho është prononcuar për mediat, pas përfundimit të proceduarve të vetëdorëzimit të deputetit në Policinë e Tiranës.
Braho deklaroi se Salianji do të dërgohet në burgun e Fierit dhe theksoi se ky ishte një dënim politik, por gjithsesi u zbatuar në mënyrë vullnetare nga deputeti.
“Na u komunikua procesverbali për njohjen për ekzekutim vullnetar, nënshkruam procesverbalet patëm sjellje korrekte nga drejtuesit e policisë. Duhet të jemi të qartë, pavarësisht se është një vendimmarrje politike, Salianji e ekzekutoi vullnetarisht dhe do të niset drejt burgut që i ka caktuar regjimi, burgu i Fierit. Që mbrëmjen e sotme shkon në burgun e Fierit.
Detyra e shtetit që të shmangë përplasje në burgje. Ky nuk është problemi i Salianjit, problemi është se jemi në kushtet e një vendimmarrjeje politike”, tha Braho.
Gjykata e Apelit dënoi ditën e djeshme me 1 vit burgim Ervin Salianjin për shkak se i prishi imazhin Qeverisë duke denoncuar Geron Xhafajn, vëllain trafikant droge të ish-ministrit Fatmir Xhafaj.
Partia Demokratike e ka konsideruar këtë vendim si një hakmarrje politike të Edi Ramës dhe Fatmir Xhafajt dhe të pambështetur në prova dhe në ligj.
Grupi Parlamentar i PD-së mori vendimin në mënyrë unanime ditën e sotme për t’u ngujuar në selinë e PD-së dhe të mos e linin Ervin Salianjin që të vetëdorozohej, për shkak të vendimit të padrejtë, por më pas respektuan vendimin e kolegut të tyre, i cili vendosi të shkojë vetë në Polici
Ervin Salianji pritet ta ankimojë vendimin e Apelit në Gjykatën e Lartë.
