“Koha e fjalëve ka mbaruar, duhet të flasim me vepra” Ky është mesazhi që deputetja e PD-së, Albana Vokshi iu përcjell demokratëve pas burgosjes së kolegut të saj, Ervin Salianji për shkak se i prishi imazhin Qeverisë duke denoncuar Geron Xhafajn, vëllain trafikant droge të ish-ministrit Fatmir Xhafaj.
Ky mesazh i Vokshit vjen pas mbledhjes së Kryesisë së PD-së, ku u vendos mbi aksionin që do të ndjekë opozita.
Në një postim në rrjetet sociale, deputetja demokrate shkruan se kërkohet që të japin pak nga liria e tyre për të çliruar vendin nga regjimi i krimit të organizuar dhe i korrupsionit, nga regjimi që kontrollon drejtësinë.
Reagimi i deputetes Albana Vokshi:
Ka një kohë për fjalë dhe një kohë për vepra!
Prej sot, koha e fjalëve ka mbaruar!
Na duhet të flasim me vepra. Për këtë kërkohet të japim pak nga liria jonë për të çliruar vendin nga regjimi i krimit të organizuar dhe i korrupsionit, nga regjimi që kontrollon drejtësinë. Nga regjimi që sot urdhëron arrestimin e liderit të opozitës Sali Berisha, dënimin me burg të nënkryetarit të grupit parlamentar të PD Ervin Salianji dhe nesër nuk do të ndalet para asgjëje!
Të veprojmë sa nuk është vonë!!
