Teksa fokusi politik i ditëve të fundit është fokusuar në nismën e Edi Ramës për shtetin bektashi, pastoti Akil Pano ka komentuar një deklaratën e kryeministrit se sekti bektashi është jetim.
Pano shkruan se Rama nuk ka fyer Bektashinjtë me këtë deklaratë, por ka zbuluar padijen e tij mbi teizmin.
“Nuk është jetim ai njeri që beson në Zot. Asnjë njeri, familje, apo komunitet. Zoti është Ati i njeriut të besimit. Identiteti dhe përkatësia janë element thelbësor daulles mes teistit dhe joteistit”, shktuan Pano.
Postimi i plotë i Akil Panos:
Rama nuk e di!
Me deklaratën “Bektashinjtë janë jetimët e Shqipërisë” nëse Rama nuk ka fyer Bektashinjtë, ka zbuluar padijen e tij mbi teizmin.
Nuk është jetim ai njeri që beson në Zot. Asnjë njeri, familje, apo komunitet. Zoti është Ati i njeriut të besimit. Identiteti dhe përkatësia janë element thelbësor daulles mes teistit dhe joteistit.
Por këtë Rama, nuk e di!!! Shpresoj nga kjo padije buron deklarata e tij fyese, e pakuptimtë dhe e pavend! Dukshëm kryeministri ka nevojë për ndihmë! Sa më shumë përpiqet të jetë bindës në projektin për shtetin e ri sovran, aq më thellë zbret në gabim dhe padije!
Dy fjalë për ata që vrapojnë pas ‘gabimit’ dhe ‘padijes’!
Interesat meskine të njerëzve të vegjël në shërbim të antishqiptarisë, përgjatë shekujve e në vijim, kanë qenë dhe mbeten helmi që injektohet ndër venat e trupit kombëtar.
Ky projekt obskur i cili synon tjetërsimin e territoreve Shqiptare, kërcënim të sigurisë kombëtare, prishje të rendit kushtetues, dhunim të shtetit laik dhe asgjesimin e harmonisë fetare në Shqipëri, duhet kundërshtuar me forcë.
Precedentët që krijohen në vijim mbi potencialin e një lufte fetare dhe copëzimin e Shqipërisë janë pafund…! Nuk ekzistojnë vepra penale më të rënda!
Prijësit e verbër, burracakët, të shiturit që promovojnë dhe mbështesin akte të tradhëtisë kombëtare herët a vonë do t’i gjykojë historia.
Zoti pastë mëshirë për ne të gjithë!
