U luajtën mbrëmjen e sotme 4 sfidat e vlefshme për fazën e 1/16-ve të “Carabao Cup”. Në fushë zbritën 2 skuadrat prestigjioze si Manchester City dhe Chelsea që bënë detyrën duke siguruar kualifikimin për më tej.
Blutë e Enzo Mareskës mposhtën me rezultatin 5-0 modestët e Berrou, falë tripletës së Nkukut, golit të Netos dhe autogolit të Farman.
Ndërkohë në krahun tjetër City i Per Guardiolës, mposhti minimalisht 2-1, Watford e Roko Vatës. Talenti shqiptar mori minuta në këtë sfidë duke u aktivizuar në të 75-tën.
Doku dhe Nunes shënuan për qytetarët në pjesën e parë, ndërkohë golin për Watford e shënoi Ins.
Dueli mes Walsall dhe Leicester përfundoi në barazim, teksa Leicester arriti të triumfonte me penallti, ndërkohë që Aston Vila mposhti 1-2 Wycombe në transfertë.
