Trajneri Armando Cungu ka vendosur të largohet nga drejtimi i Laçit.
Ishte vetë tekniku i kurbinasve, që e bëri të ditur vendimin, pas humbjes ndaj Skënderbeut.
Ai tha se do i komunikojë largimin presidentit Pashk Laska, pasi theksoi se nuk është trajner për mbijetesë.
“Kur të jesh në fund të tabelës, nuk ka fjalë të tjera për të thënë. Përtej asaj, do të shoh pozicionin tim, do t’i komunikoj largimin drejtuesve. Nuk jam trajner për mbijetesë, e kam bërë me ekipin e zemrës Vllazninë, edhe vjet me Laçin por është e pamundur të jem më për mbijetesë.
Humbëm këtë ndeshjen sot, një pjesë e parë zhgënjyese totalisht për ne, sikurse golat janë amatoreskë në veprime. I pari në goditje standarte pa asnjë lloj pretendimi nga një ekip si Korça që mu duk shumë i dobët po që arrijnë të na shënojnë statik.
Nuk është deklaratë emotive, është e sinqertë. E kam kërkuar largimin prej dy javëve për të qenë i sinqertë. Nervat ishin momentale gjatë lojës, por tani jam i qetë. Nuk e di pse, është e pamundur, pothuajse grupi i plotë i lojtarëve… Kjo është ndeshja e tretë radhazi që penalizohem me të verdhë, është turp se nuk jam person problematik. Kam luajtur 15 vite si futbollist e kam marrë vetëm një karton. – tha Cungu pas ndeshjes.
Pas gjashtë javëve kampionat, Laçi renditet në vendin e fundit me vetëm 3 pikë të grumbulluara.
