Tifozët e Partizanit kanë nisur marshimin drejt stadiumit “Air Albania”, aty ku nga ora 20:00, do të luhet derbi i kryeqytetit.
Të mbledhur në grup, tifozët e kuq dëgjohen teksa këndojnë në kor në mbështetje të skuadrës së tyre.
Përveç fushës së lojës, spektakël pritet edhe në tribuna nga dy tifozeritë, që njihen për rivalitetin e madh mes tyre.
Kur duhen më pak se 2 orë nga starti i kësaj sfide, mësohet se mbi 10 mijë tifozë do të jenë të pranishëm në stadium teksa Partizani është organizatori i takimit.
