Policia e Shtetit ka ngritur alarmin, ku iu kërkon qytetarëve që të mos mashtrohen me lojërat që po reklamohen në rrjetet sociale, nëpërmjet të cilave fitohen para, pasi sipas autoriteteve, është një mashtrim për të marrë të dhënat e llogarisë bankare për t’iu grabitur para.
Bëhet fjalë për aplikacionin “PLINKO”, që sipas Policisë, është një skemë për marrjen e të dhënave të llogarive bankare, nga të cilat mund t’iu merren shuma monetare.
Në njoftim thuhet se për ta bërë të besueshëm, ky aplikacion përdor videot e njerëzve të famshëm që luajnë këtë lojë, gjë që në fakt është mashtrim.
Njoftimi
Policia e Shtetit
❗️Apel për kujdes gjatë përdorimit të aplikacionit “PLINKO”❌
Kohët e fundit, në rrjetet sociale po reklamohen lojëra nëpërmjet të cilave fitohen para.
Për ta bërë të besueshme, përdoren videot e njerëzve të famshëm që luajnë këtë lojë, gjë që në fakt është mashtrim.
Ofruesit e lojërave kërkojnë numrat e llogarive bankare. Kjo është një skemë për marrjen e të dhënave të llogarive bankare, nga të cilat mund t’iu merren shuma monetare.
Nisur nga rastet e shtuara të përdorimit të këtij aplikacioni, kryesisht nga nxënësit, me qëllimin për të fituar para, Policia e Shtetit apelon për prindërit që të tregohen të kujdesshëm, për të mos lejuar fëmijët që të përdorin këtë aplikacion dhe në rastet kur ata e përdorin, të tregojnë kujdes, pasi duke dhënë të dhëna personale dhe të llogarive bankare, mund t’iu tërhiqen para nga llogaria juaj.
❌MOS JEPNI TË DHENA PERSONALE!
❌MOS JEPNI TË DHËNA TË LLOGARIVE BANKARE!
