Detaje të reja janë zbuluar në lidhje me autorin e plagosjes së dyfishtë që ndodhi në fshatin Vrakë të Malësisë së Madhe. Të plagosur më armë zjarri kanë mbetur Besmir Qofi dhe Avenir Hasanaj.
Mësohet se autori i dyshuar i këtij incidenti, Lul Rakaj, i cili është shpallur në kërkim nga policia, është i njohur për një rast tjetër të rëndë në të kaluarën.
Rakaj është i njohur për një ngjarje të ngjashme që ndodhi afro 13 vjet më parë në Hot të Malësisë së Madhe, ku ai vrau Kolë Mushkun.
Ky akt hakmarrjeje ishte një pasojë e vrasjes së babait të Rakajt nga Mushku më herët.
