Futbolli italian nisi këtë të shtunë me javën e katërt teksa ndeshja e parë ishte ajo e orës 15:00 mes Comos dhe Bolognas.
Takimi nuk shkoi më shumë se një barazim 2-2 teksa vendasit e Comos ende nuk e kanë shijuar fitoren e parë pas rikthimit të tyre në Serie A pas 23 vitesh.
Ndeshja nisi mirë për vendasit e Fabregas, me Casale që i dha epërsinë Comos me autogolin e tij.
Në pjesën e dytë Cutrone shënoi për 2-0, teksa u duk se Como kishte siguruar tri pikët, Bologna s’u dorëzua dhe Castro shënoi golin e parë, para se Iling Junior në minutën 90+1 të barazonte gjithçka për 2-2.
Pas 4 javëve kampionat të dyja skuadrat nuk regjistrojnë asnjë fitore teksa Bologna renditet e 14-ta me tre barazime dhe një humbje, ndërsa Como pozicionohet në vendin e parafundit me dy barazime dhe dy humbje.
