Teksa në Kuvend po mbahet interpelanca mes kryeminsitrit Rama dhe Gazmend Bardhit për transportin e mbetjeve të rrezikshme të ‘Kurum’ nga Porti i Durrësit, në ambientet e jashtme po mbahet një protestë nga minatorët të cilët kërkojnë statusin e minatorit.
Minatorët shprehen se PS i ka gënjyer, pasi ka premtuar zgjidhjen e statusit që më 2013.
“Na kanë gënjyer. PS na gënjeu që në vitin 2013, kur na tha se do të zbatohet statusi i minatorit”, thanë minatorët. Ata u shprehën se pensioni që marrin nuk iu del as për ilaçe.
