Lideri i Demokracisë Serbe, Aleksandar Arsenijeviç, është arrestuar nga Policia e Kosovës në Mitrovicë të Veriut.
Siç shihet edhe në videon e mëposhtme, politikani serb kishte marrë një bilbil dhe i fishkëllente kryeministrit të Kosovës, Albin Kurti, i cili ndodhej në një “fast food” në Mitrovic të Veriut. Ky ka qenë dhe shkakut i arrestimit të Aleksandar Arsenijeviç.
Lajmin e ka konfirmuar shefi i operativës rajonale në Mitrovicë të Veriut, Petrit Fejza. Ai tha se përveç Arsenijeviçit është arrestuar edhe një person tjetër. “Po, është dërguar në stacion dhe i lëshohet një tiketë atij dhe një personi tjetër”, ka thënë Fejza.
Arsenijeviç, një ish-profesor kimie në Veri, është kundërshtar me Listën Srpska, të cilën e akuzon se mashtron serbët në Kosovë dhe nuk mbron interesin e tyre.
