Qarkullimi i automjeteve në rrugën e Arbrit vijon të jetë problematik në vendin e quajtur Shkalla e Tujanit, pak kilometra larg Tiranës.
Qytetarët që lëvizin në drejtim të Qarkut Dibër apo Maqedonisë së Veriut si dhe anasjelltas përballen në befasi me bllokim të qarkullimit në afërsi të tunelit të Shkallës së Tujanit.
Për shkak të punimeve që po bëhen për rivitalizimin e skarpatave rruga bllokohet si pasojë e dherave por edhe gurëve që dalin nga punimet.
Ndërkohë rënie të gurëve ka pasur gjatë pasdites, pas largimit të makinerive, për shkak të kantierit të hapur në shpatin e malit, ndërsa rrezikohen udhëtarët.
