Moti i keq me reshje të dendura shiu që përfshiu vendin mbrëmjen e kaluar, ka shkaktuar problematika në rrugën nacionale Burrel-Rrëshen.
Si pasojë e reshjeve një masiv dherash dhe inertesh ka rënë në rrugë duke bllokuar totalisht aksin.
Sipas raportimeve, shumë automjete që po lëviznin drejt Burrelit apo Rrëshenit janë kthyer mbrapsht pasi rruga është e pakalueshme, ndërsa deri më tani nga autoritetet ende nuk ka një reagim zyrtar.
Rruga prej natës vijon të jetë e bllokuar, ndërsa deri më tani nuk raportohet për asnjë ndërhyrje nga ARRSH.
