Në fjalën e tij të mbajtur para mbështetësve, Berisha foli edhe për drejtuesit politik që Rama caktoi sot në Asamblenë e Partisë të mbajtur në Durrës.
Sipas Berishës, sot, të gjithë ata që Rama caktoi në 12 qarqe duhet të ishin në burg.
Beridsha tha se Rama sot vetëm llomotiti, bërtiti dhe dërdëlliti, por nuk foli për asnjë vepër madhore në 11 vite në pushtet.
Pjesë nga fjalimi i Berishës
Sot Edi Rama llomotiti dhe dërdëlliti, por nuk tregoi dot një vepër madhore në 11 vite me 48 miliardë euro të shpenzuara nga buxheti i shtetit.
Jo nuk tregoi dot, se nuk ekzistojnë, sepse kanë vjedhur dhe vetëm vjedhur. Sepse rrugët e tyre kanë kushtuar 10 herë më shumë se më përpara, kanë kushtuar 15 herë më shumë, në një kohë kur kostoja, çmimi i materialeve të ndërtimit është rritur me 4-5-6 maksimumi 8 për qind.
Sot Edi Rama riqarkulloi të gjithë ata të cilët janë kolegë të Skapit.
Duhet të jenë banorë të 313.
Miqtë e mi!
Nuk ka fyerje më të madhe, nuk ka poshtërim më të madh se të sjellës në Tiranë, Elisën e 5 mln në dogana.
Nuk ka fyerje më të madhe se të sjellësh në Tiranë Erion Hajdutin e djegësit të Tiranës, e 5D-ve e dhjetëra vjedhjeve të tjera.
Nuk ka fyerje më të madhe se të sjellësh në Tiranë korbën e kovidit për vjedhjet e së cilës së bashku me Edi Ramën, vdiqën të paktën 10 mijë vetë më shumë se në vende të tjera.
