Ekipet e kërkim-shpëtimit të Kosovës dhe Shqipërisë kanë nisur mëngjesin e sotëm një aksion për gjetjen e një turisti lituanez i cili mendohet të ketë humbur në Alpet tona tashmë prej dy ditësh.
Alpinisti lituanez i cili qëndronte në Valbonë, është nisur drejt Thethit më 6 shtator dhe që prej asaj dite nuk ka asnjë lajm prej tij.
Alpinisti mendohet të ketë kaluar nga maja e Roshit, teksa kërkimet po përqendrohen në shtegun Valbonë – Theth.
