Kompanitë e basteve kanë shpallur edhe koeficientet për ndeshjen e parë të kuqezinjve, që do të zhvillohet ditën e shtunë në orën 20:45, në stadiumin “Epet Arena” të Pragës, ku favorite shihet kombëtarja e Ukrainës.
Fitorja e tyre kuotohet me 1.75, ndërsa një barazim ka koeficientin 3.50. Një sukses i mundshëm i kuqezinjve në këtë ndeshje kap kuotën 4.75.
Të dyja skuadrat bëjnë pjesë në Grupin 1 të Ligës B së bashku me Gjeorgjinë dhe Republikën Ceke.
