Policia ka dhënë detaje në lidhje me atentatin në Tiranë ku në zonën e Don Boskos dy persona mbetën të plagosur me armë zjarri.
Dy të plagosurit Kastriot Elezi 45 vjeç dhe Ronaldo Metushi 22 vjeç ndodhen jashtë rrezikut për jetën. Sipas informacioneve shënjestër dyshohet të jete Kastriot Elezi. Sipas të dhënave ai është person me precedent penal te mëparshëm për pjesëmarrje ne grup kriminal në Itali. Elezi është kapur nga komisariati numër 3 dhe është ekstraduar në Itali ku ka vuajtur dënimin për dy vite ndërsa sipas informacioneve ka pak kohë që është kthyer.
Burimet për “Boldnews.al” bëjnë me dije se dy pacientet ndodhen në observim, aktualisht gjendja shendetesore është stabel, po vijojn t’iu bëhen ekzaminime dhe po mbahen në monitorim nga stafi mjekësor.
Burime për mediat bëjnë me dije se 45-vjeçari Elezaj mori një plumb në (gjoks-shpatull), ndërsa 22 vjeçari Metushi u qëllua në këmbë.
Sipas informacioneve të para bëhet me dije se autori ka qenë me kapele dhe pasi i ka qëlluar është larguar me motor. Grupi hetimor ndodhet në vendngjarje dhe po punon për sqarimin e rrethanave, identifikimin dhe kapjen e autorëve të dyshuar.
Hetuesit i kanë vendosur shiritin e verdhë dhe po punojnë për mbledhjen e provave për të bërë të mundur zbardhjen e plotë të kësaj ngjarje si dhe identifikimin dhe kapjen e autorit.
![](https://boldnews.al/wp-content/uploads/2024/09/900-0-1725372131xilustrim-ronaldo-metushi-pamje-nga-don-bosko-454-1-1.jpg)
Renaldo Metushi ishte pjesë e atentatit, ku u qëlluan me armë me silenciator nga persona të paidentifikuar ende në një lokal lagjeje në Don Bosko.
Makina Volkswagen Golf 5 që është përdorur nga autorët e ngjarjes në “Don Bosko”, është gjetur nga Policia duke u djegur në zonën e Qerekës. Autori, që mendohet se është ndihmuar dhe nga persona të tjerë, është larguar me shpejtësi nga vendi i ngjarjes dhe ka dalë nga Tirana.
- Kush ishte objektivi i atentatit, Kastriot Elezaj i dënuar për prostitucion në Itali
Kastriot Elezaj, 45-vjeç ka mbetur i plagosur mesditën e sotme nga një atentat me armë zjarri. 45-vjeçari ka marrë plumb në krah dhe në mushkëri.
Burimet mediatike bëjnë me dije se Kastiot Elezaj rezulton me të shkuar kriminale. Ai ka qenë i dënuar në Itali për shfrytëzim prostitucioni. 45-vjeçari është arrestuar pak kohë më parë me qëllim ekstradimin e tij dhe pasi ka kryer dënimin është kthyer në vendin tonë.
- Pamjet nga vendi i ngjarjes
- Gjendet makina e djegur në Qerekë
Një makinë e djegur është gjetur në Qerekë (zone prane Institutit) pak minuta pas plagosjes së ndodhur në “Don Bosko”.
Automjeti tip “Golf 5” dyshohet të jetë përdorur nga autorët.
- Vocaj jep detaje: Autorët kanë qëlluar nga makina, po kontrollojmë kamerat
Drejtori i Policisë së Tiranës, Tonin Vocaj nga vendgjarja ku u shënua plagosja e dyfishtë në zonën e Don Boskos, është shprehur se Policia dhe grupi hetimor në bazë të këqyrejes paraprake të kamerave të sigurisë, është krijuar një ide e qartë se si ka ndodhur ngjarjen e rëndë kriminale.
Sipas Vocajt, në atenta kanë marrë pjesë tre persona përfshirë edhe drejtuesit e automjetit, që është gjendur i djegur në përfieri të Tiranës. Nga ajo se çfarë hetuesit kanë zbuluar deri më tani, është se autorët sipas Vocajt nuk kanë dalë nga automjeti por kanë qëlluar nga brenda tij, duke plagosur Elezaj dhe Metushin, të cilët rezulton paraprakisht të kenë vetëm lidhje shpqërore me njëri-tjetrin.
“Në një lokal privat në Don Bosko, janë plagosur dy shtetas, Kastriot Elezaj dhe Renato Metushaj, ndodhen në spitalin e Traumës. Policia ka ngritur grupin e posacëm hetimor nën drejtimin e Prokurorisë. Gjithashtu po kontorollojmë në të gjithë zonën për kamerat e sigurisë në biznese dhe ato publike. Është gjetur automjeti i djegur, ka përputhshëmi me ato të përdorur nga autori.
Nuk rezulton të jetë me targa të vjedhura po nr.shasisë nuk përputhet me atë të makinës origjinale. S’është përcaktuar tipi i armës, janë gjetur gjithashtu edhe 7 gëzhoja. Në automjet ëhtë gjetur një armë zjarri, po ekzaminohet. Janë vetëm lidhje shoqërore këto të plagosurit, po pinin kafe.
Nuk dihet kush ka qenë shenjestër, nga hetimi do rezultojë se kush ka qenë objekt. Mendohet se kanë qënë 3 persona, përfshirë dr.mjetit. Nuk janë gjetur gjëra të paligjhshme nga të plagosurit.
Njëri prej tyre është me precedent penal, po hetojmë për të shkuarën e të plagosurve dhe njëkohësisht konfliktet e mundshme që mund të kenë, se janë pistat kryesore. Autorët kanë qëlluar nga automjeti, s’kanë zbritur. Kemi pamjet se si ka ndodhur ngjarja, kemi ide te qartë për ngjarjen e rëndë kriminale. Këta kanë hapur zjarr nga makina dhe probaliliteti mund të kene qenë të maskuar është i madh“, tha Vocaj.
- Çfarë njoftoi policia?
Policia e Shtetit ka dhënë detajet e para lidhur me plagosjen e dyfishtë që ka ndodhur pasditen e sotme në zonën e Don Boskos në Tiranë.
Siç bëhet me dije nga njoftimi zyrtar, ngjarja ka ndodhur në afërsi të godinës së OSHEE, ku të plagosur në rrethana që ende nuk dihen kanë përfunduar 2 persona.
“Më datë 03.09.2024, në Don Bosko, në afërsi të OSHEE, janë plagosur me armë zjarri shtetasit K. E., 45 vjeç, dhe R. M., 22 vjeç, të cilët ndodhen në spital, në kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të ngjarjes, identifikimin dhe kapjen e autorëve të dyshuar”, thuhet ne njoftimin e policise.
- Krimi “pushton” Shqipërinë
Vendi ynë përgjaket sërish nga një atentat me armë në kryeqytet.
Shqipëria po i ngjan një “Ekuadori” të vogël ku bandat veprojnë lehtësisht duke “larë hesapet” me njëra-tjetrën, madje shpesh herë veprojnë në mes të ditës duke eliminuar kundërshtarët e tyre.
Plumbat kërcasin në mes të lokaleve, rrugë apo edhe vende të tjera publike duke rrezikuar jetën e shumë qytetarëve të pafajshëm.
Në shumicën e rasteve policia pothuajse nuk ekziston dhe e vetmja gjë që i ngel të bëjë është të numërojë viktimat pas atentateve.