Detaje të reja janë zbuluar nga ngjarja e rëndë në afërsi të OSSHE në Don Bosko në Tiranë, ku dy persona mbetën të plagosur pasi ndaj tyre u qëllua me një armë zjarri.
Të plagosur mbeten shtetasit Kastriot Elezaj dhe Ronaldo Metushi, të cilët u qëlluan me armë zjarri nga një person i cili po ecte në këmbë dhe pas krimit është larguar.
Ndërsa mësohet se gjendja e tyre shëndetësore është jashtë rrezikut për jetën.
Njoftimi:
Tiranë/Informacion paraprak
Më datë 03.09.2024, në Don Bosko, në afërsi të OSHEE, janë plagosur me armë zjarri shtetasit K. E., 45 vjeç, dhe R. M., 22 vjeç, të cilët ndodhen në spital, në kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të ngjarjes, identifikimin dhe kapjen e autorëve të dyshuar.
